澳門流動社區 » 上班一族聊天室 » 【教育 Education 】 » 請不要將PISA作用無限擴大。

francisli ：
請不要將PISA作用無限擴大。

次次PISA成績公布，d學校都懶緊張咁，又話成績反映澳門竸爭力不足，有咁大講咁大。講真果句，一個測試就可以知咁多嘢咩？青少年某一方面的能力就代表一切？如果政府無能，制度不善，官商勾結，青少年幾叻都無得發圍啦，社會亦没有競爭力。學校咁緊張無非是收了納稅人咁多錢，無法向市民交代啫。無良校長就將責任推給老師，好似同佢一d關係都無，只會要老師想d方法提高成績。


念奴嬌 ：

非常同意, 官商勾結, 個政府腐敗都這樣的地步, 學生有幾叻閱讀能力都冇用~

一. 同賭場講, 我平時大量睇書架, 你會請我嗎? - 我要的是派牌機器, 不是會思考的人...
二. 考政府工, 我中國四大名著和西洋文學五十部名著都睇哂, 你會請我嗎? - 唔好意思, 招考條件中沒有考慮閱讀...
三. 到企業面試, 我有閱讀習慣, 平時最大的興趣便是閱讀報章和書本... - 對唔住,我地唔會考慮呢D

四, 澳門書店少得可憐... 閱讀風氣零, 你話閒時睇書畀人當怪物或者珍稀動物...
政府鼓勵中小企, 又唔見有計劃支持書店發展?
圖書館遲開早關, 平時返學學生已經海量作業,課程密度又高, 即便興緻勃勃在假日去睇下書; 無奈圖書館好多時候早已關門... 更惶論有24小時圖書館這種體現城市閱讀風尚的措施...
我從未聽過有個國家會在公眾假期關閉圖書館... 一般打工仔就算想在假期睇書都冇機會...

世界各地官方教育機關都推行優質教育,指標來來去去都係幾點: 學生具世界觀, 有獨立思考和批判精神, 自發性學習, 團隊合作, 適應全球化的溝通能力, 人文與科學的視野...

澳門政府做D咩政策配合這樣的學生??? 單係最值得推崇的獨立思考和批判精神, 特區政府是否樂見我地的學生有這樣的精神先?